Telangana Anganwadi Jobs 15982 : Telangana Anganwadi అంగన్‌వాడీల్లో కొలువుల జాతర

Published On: June 23, 2026

Telangana Anganwadi Jobs 15982: Telangana Anganwadi అంగన్‌వాడీల్లో కొలువుల జాతర

తెలంగాణ రాష్ట్రంలోని అంగన్‌వాడీ కేంద్రాల్లో కొలువుల భర్తీకి రంగం సిద్ధమైంది. భారీ సంఖ్యలో 15,982 పోస్టులను ప్రభుత్వం భర్తీ చేయనుంది. ఆయా జిల్లాల్లోని ఐసీడీఎస్‌ ప్రాజెక్టుల వారీగా ఖాళీలు గుర్తించిన శిశు సంక్షేమశాఖ..భర్తీకి నోటిఫికేషన్లు జారీచేస్తోంది. ఇప్పటికే పెద్దపల్లి జిల్లాలో టీచర్‌ పోస్టులు, మహబూబ్‌నగర్‌లోని 4 ఐసీడీఎస్‌ ప్రాజెక్టు పరిధిలో టీచర్లు, సహాయకులు కలిపి 177 పోస్టులకు ఆయా జిల్లా కలెక్టర్లు ఉద్యోగ ప్రకటనలు జారీ చేశారు. అన్ని జిల్లాల్లో ఇదే తరహాలో వేర్వేరుగా నోటిఫికేషన్లు జారీకానున్నాయి.

నియామక ప్రక్రియ ప్రారంభం
33 జిల్లాల్లో 15,982 ఖాళీలు
టీచర్లు 3,100, సహాయకులు 12,882
జిల్లాల వారీగా నోటిఫికేషన్ల జారీకి మార్గదర్శకాలు

Telangana Anganwadi Jobs 15982 Details:

Sl. No	District	Teacher	Helper
1	Asifabad	182	452
2	Mancherial	110	398
3	Peddapalli	56	252
4	Bhupalapalli	50	133
5	Mulugu	95	319
6	Adilabada	176	628
7	Nirmal	80	435
8	Nizamabad	80	601
9	Jagtial	70	352
10	Karimnagar	56	230
11	Siricilla	57	181
12	Siddipet	84	271
13	Medak	63	345
14	Kamareddy	106	445
15	Kothagudem	192	1033
16	Khammam	136	655
17	Mahabubabad	116	478
18	Warangal	63	289
19	Hanmakonda	71	240
20	Suryapet	84	321
21	Nalgonda	148	688
22	Yadadri Bhuvanagiri	62	270
23	Janagama	27	187
24	Medchal	64	227
25	Hyderabad	183	402
26	Rangareddy	137	611
27	Sangareddy	80	416
28	Vikarabad	94	399
29	Mahabubnagar	62	364
30	Narayanapet	32	196
31	Gadwal	65	308
32	Wanaparthy	47	203
33	Nagarkurnool	162	553
	Total	3090	12882

కొత్తగా ఇంటర్వ్యూ విధానం..

అంగన్‌వాడీ నిబంధనల ప్రకారం..అంగన్‌వాడీ టీచర్, సహాయకుల పోస్టుల భర్తీకి ఇంటర్మీడియట్‌ విద్యార్హతను రాష్ట్ర ప్రభుత్వం ఈసారి తప్పనిసరి చేసింది. అలాగే పోస్టుల భర్తీలో ఇంటర్వ్యూ విధానాన్ని తీసుకువచ్చింది. ఈ మేరకు అంగన్‌వాడీ పోస్టుల భర్తీకి ప్రభుత్వం ఇటీవల అనుమతి ఇచ్చింది. తాజాగా ఎంపిక విధానంలో ఇంటర్వ్యూకు అనుమతిస్తూ జీవో నం.4, మార్కుల వెయిటేజీ ఖరారు చేస్తూ జీవో నం.6 జారీ చేసింది. ఆ ప్రకారం.. మల్టీజోన్‌-1 పరిధిలోని మొత్తం 20,584 అంగన్‌వాడీ కేంద్రాల్లో 1,853 టీచర్లు, 7,737 సహాయకుల పోస్టులు కలిపి మొత్తం 9,590 ఖాళీలు ఉన్నాయి. మల్టీజోన్‌-2 పరిధిలో 15,197 అంగన్‌వాడీ కేంద్రాల్లో 1247 టీచర్లు, 5145 సహాయకులు కలిపి 6,392 ఖాళీలు ఉన్నాయి.

సుదీర్ఘ అధ్యయనం అనంతరం

వాస్తవంగా పోస్టులు భర్తీ చేయాలని ఏడాదిన్నర క్రితమే సర్కారు నిర్ణయించింది. నియామక విధానం, ఇతర రాష్ట్రాల్లో అనుసరిస్తున్న సర్వీసు నిబంధనలు, తదితర అంశాలపై అధ్యయనం చేసి.. నియామక విధానాన్ని ఇటీవల ఖరారుచేసింది.
అంగన్‌వాడీ పోస్టుకు దరఖాస్తు చేసే అభ్యర్థులు పట్టణాలు లేదా గ్రామాల్లోని సంబంధిత వార్డులో స్థానికులై ఉండాలి.
గిరిజన, ఆదివాసీ తండాలు, గూడేలు, ఆవాసాల్లో పోస్టులకు సంబంధిత ఆవాస ఎస్టీ మహిళలు అర్హులు. ఎస్సీ వాడల్లోని పోస్టులకు స్థానిక ఎస్సీ మహిళలు అర్హులు.
అంగన్‌వాడీ టీచర్‌ పోస్టుల భర్తీకి జిల్లా కలెక్టర్‌ ఆధ్వర్యంలోని జిల్లా ఎంపిక కమిటీ (డీఎస్సీ)..అభ్యర్థులకు ఇంటర్వ్యూలు నిర్వహిస్తుంది. ఇంటర్వ్యూకు 10 మార్కులు కేటాయించింది.
టీచర్ల, సహాయకుల పోస్టులకు దరఖాస్తు చేసేందుకు ఇంటర్మీడియట్‌ ఉత్తీర్ణులై ఉండాలి. సహాయకుల పోస్టులకు ఇంటర్మీడియట్‌ ఉత్తీర్ణులైన అభ్యర్థులు అందుబాటులో లేనిపక్షంలో..తదుపరి పదోతరగతి పాసైన వారిని పరిగణనలోకి తీసుకోవాలని ఎంపిక నిబంధనల్లో పేర్కొంది.
ఎంపికలో మార్కులకు వెయిటేజీ ఉంటుంది. ఇంటర్‌లో వచ్చిన మార్కులకు 70 శాతం, వితంతువులకు 5 శాతం, అనాథలకు 10 శాతం, దివ్యాంగులకు 5 శాతం వెయిటేజీ ఉంటుంది. ఇంటర్వ్యూలకు పది మార్కులు ఉంటాయి.